English | عربی | Kurdî دواهەواڵ
ڕاستەوخۆ  
 
هاوپه‌یمانی فه‌تح جه‌خت ده‌كاته‌وه‌، به‌هیچ شێوه‌یه‌ك رێگه‌ به‌ تێپه‌ڕاندنی یاسای لێبوردنی گشتی ناده‌ین
2023-07-10 [09:55 AM]

​ZNA- هەولێر


محه‌مه‌د به‌لداوی، په‌رله‌مانتاری هاوپه‌یمانیی فه‌تح له‌ په‌رله‌مانی عێراق دووپاتی كرده‌وه‌، هێزه‌كانی چوارچێوه‌ی هه‌ماهه‌نگی هه‌رگیز رێگه‌ ناده‌ن یاسای لێبوردنی گشتی له‌ په‌رله‌مان تێپه‌ڕێندرێت.

ئەندامانی هاوپەیمانیی فەتح دەڵێن، ئه‌و یاسایه‌ ده‌بێته‌ هۆی ئازادكردنی تیرۆریستان و بكوژانی گه‌لی عێراقی كه‌ ئێستا له‌ زیندانن و به‌ ئازادكردنیشیان دووباره‌ ریزه‌كانی خۆیان رێكده‌خنه‌وه‌ و دۆخی ئه‌منی وڵات تێكده‌ده‌ن.

به‌لداوی گوتی: ده‌كرێت له‌ بری ده‌ركردنی یاسای لێبوردنی گشتی یاسایێكی تایبه‌ت به‌ چه‌ند توێژێكی دیاریكراو ده‌ربكرێت و‌ ئه‌و كه‌سانه‌ بگرێته‌وه‌ سزای تاونكاری یان سزای دیكه‌یان به‌سه‌ردا سه‌پێندراوه‌، به‌و مه‌رجه‌ی له‌ڕووی كۆمه‌ڵایه‌تییه‌وه‌ بۆ گه‌ڕانه‌وه‌یان بۆ ناو كۆمه‌ڵگه‌ ئاماده ‌كرابن.

ئه‌و په‌رله‌مانتاره‌ی فه‌تح ئاماژه‌ی به‌وه‌دا، تا هه‌ڵبژاردن نزیك ده‌بنه‌وه‌، داواكاریی به‌شێك له‌ لایه‌نه‌ سیاسییه‌كان بۆ ده‌ركردنی یاسای لێبوردنی گشتی زیاتر ده‌بێت، ئه‌مه‌ش جگه‌ له‌ بازرگانی سیاسی بۆ به‌ده‌ستهێنانی ده‌نگی زیاتر هیچ ئامانجێكی دیكه‌ی نییه‌.





ئەم هەواڵە 307جار خوێندراوەتەوە
 
 
ڤیدیۆ گەلەری
گۆلچی هامبۆرگ گۆلێكی ده‌گمه‌ن له‌ خۆی ده‌كات
گۆڵێكی سه‌یر له‌لایه‌ن گۆڵچیه‌وه‌
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad