English | عربی | Kurdî دواهەواڵ
ڕاستەوخۆ  
 
وه‌زاره‌تی نه‌وتی عێراق ئاماری هه‌نارده‌ و داهاتی مانگی رابردووی بڵاوكرده‌وه‌
2023-07-26 [05:13 AM]

ZNA-هەولێر


داھاتی نەوتی عێراق بۆ مانگی حوزەیران، 7 ملیار و 179 ملیۆن و 760 ھەزار دۆلار بووە، بەراورد بە مانگی ئایاریش 126 ملیۆن و 240 ھەزار دۆلار کەمی کردووە.

لە ڕاگەیەنراوێک وەزارەتی نەوتی عێراق پشت بەستن بە ئامارێکی کۆمپانیای بەبازاڕکردنی نەوتی عێراق (SOMO)، بڕ و داھاتی نەوتی فرۆشراوی مانگی حوەزیرانی بڵاوکردەوە، ڕایگەیاند: بڕی ئەو نەوتەی کە لە مانگی حوزەیراندا ھەناردە کراوە، 100 ملیۆن و 59 ھەزار و 52 بەرمیل بووە کە کۆی گشتی داھاتەکەی  دەکاتە 7 ملیار و 179 ملیۆن و ٧٦٠ ھەزار دۆلار.

ڕاشیگەیاند: لە مانگی حوزەیراندا، بڕی نەوتی ھەناردەکراو لە کێڵگە نەوتییەکانی ناوەڕاست و باشووری عێراق، 98 ملیۆن و 725 ھەزار و 620 بەرمیل بووە، ھەروەھا بڕی نەوتی ھەناردەکراو بۆ ئوردن، گەیشتووەتە 299 ھەزار و 445 بەرمیل.

وەزارەتی نەوتی عێراق لە ڕاگەیەنراوەکە ئاماژەی بەوەش داوە کە لە مانگی حوزیراندا، یەک بەرمیل نەوت تێکڕا بە (71،755) دۆلار فرۆشراوە.

ئەمەش لەکاتێکدایە کە لە مانگی ئایاری ئەمساڵ، کۆی گشتیی داهاتی نەوت، 7 ملیار و 306 ملیۆن دۆلار بووە، بەمەش ئەم مانگە داهاتی نەوت، 126 ملیۆن و 240 ھەزار دۆلار کەمی کردووە.

  •  




ئەم هەواڵە 373جار خوێندراوەتەوە
 
 
ڤیدیۆ گەلەری
گۆلچی هامبۆرگ گۆلێكی ده‌گمه‌ن له‌ خۆی ده‌كات
گۆڵێكی سه‌یر له‌لایه‌ن گۆڵچیه‌وه‌
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad