English | عربی | Kurdî دواهەواڵ
ڕاستەوخۆ  
 
پەرلەمانتارێک: ڕەشنووسی یاسای لێبوردنی گشتی نەگەیشتووەتە پەرلەمان
2023-08-05 [10:21 AM]

​ZNA - هەولێر


لیژنەی یاسایی پەرلەمان ڕەتیکردەوە، ڕۆژی شەممە، ڕەشنووسی یاسای لێبوردنی گشتی گەیشتبێتە پەرلەمان، لەکاتێکدا باسی هێڵی سووری کرد دژی هەندێک بڕگەی یاساکە.

ئەحمەد فەواز ئەلوەتیفی ئەندامی لیژنەکە بە میدیاکانی ناوخۆی ڕاگەیاند، "یاسای لێبوردنی گشتی نەگەیشتووەتە ئەنجوومەنی نوێنەران و هەموو گفتوگۆی میدیایی فشارە بۆ پەسەندکردنی یاساکە".

ئاماژەی بەوەشکرد، "هێزە سیاسییەکان ڕێوشوێنی خۆپارێزی دەخەنە بواری جێبەجێکردنەوە کە ڕێگری لە ئازادکردنی تیرۆریستان و ئەو کەسانە دەکات کە دەستیان بە خوێنی گەلی عێراق سوورە".

گوتیشی: "لیژنەی یاسایی پەرلەمان ڕێگە بە دەرکردنی یاسایەک نادات کە کاردانەوەی نەرێنی لەسەر کۆمەڵگەی عێراقی هەبێت".

ئەلوەتیفی ئاماژەی بەوەشکرد، "ناکرێ یاسای لێبوردنی گشتی بەشداربێت لە ئازادکردنی ئەو کەسانەی کە بەشدارییان لە کوشتنی عێراقییەکاندا کردووە".

سەرۆکی هاوپەیمانی دەوڵەتی یاسا، جاسم محەمەد جەعفەر، پشتڕاستی کردەوە، یاساکانی لێبوردنی گشتی کە لە سەردەمی پێشووتردا دەرکرابوون، بۆ ڕازیکردنی هەندێک لایەنی سیاسی بووە بۆ ئەوەی سەدان تیرۆریست بگرێتەوە کە جارێکی دیکە گەڕانەوە بۆ کردەوەی تاوانکاری.





ئەم هەواڵە 280جار خوێندراوەتەوە
 
 
ڤیدیۆ گەلەری
گۆلچی هامبۆرگ گۆلێكی ده‌گمه‌ن له‌ خۆی ده‌كات
گۆڵێكی سه‌یر له‌لایه‌ن گۆڵچیه‌وه‌
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad