English | عربی | Kurdî دواهەواڵ
ڕاستەوخۆ  
 
تێلێگرام لە عێراق فلتەر کرا
2023-08-06 [01:29 AM]

​ZNA- هەولێر


وەزارەتی پەیوەندییەکانی عێراق ڕایگەیاند، فلتەرکردنی تێلێگرام لە عێراق بە فەرمانی دامودەزگا ئەمنییەکان ئەنجامدراوە.

لە بەیاننامەی وەزارەتی پەیوەندییەکانی عێراقدا هاتووە، فلتەکردنی بەرنامەی تێلێگرام بە فەرمانی لایەنە پلە باڵاکان بەهۆی فاکتەری پەیوەست بە ئاسایشی نیشتمانی و بۆ پاراستنی زانیاریی کەسیی… هاووڵاتیان ئەنجامدراوە.

لە ڕاگەیەندراوەکەدا ئاماژە بەوەشکراوە، کە بەرنامەی تێلێگرام ئاسایشی کارلێککردنی پێچەوانەی یاسا پێشێلکردووە.

وه زاره تی په‌یوه‌ندییه‌کانی عێراق ڕوونیکرده‌وه داموده‌زگاکانی عێراق چه‌ندین جار داوایان له تێلێگرام کردووه هاوکار بن له داخستنی ئه‌و که‌ناڵانه‌ی ده‌بنه هۆی ئاشکراکردنی زانیاری فه‌رمیی داموده‌زگاکانی حکوومه‌تی و زانیاریی که‌سی هاووڵاتیان؛ ئەمەش مەترسییە بۆ سەر ئاسایشی نەتەوەیی عێراق و ئارامی کۆمەڵگا، بەڵام ئەم کۆمپانیایە وەڵامی نەداوەتەوە و هیچ کارلێکێکی لەگەڵ ئەو داواکاریانەدا نەبووە.

لە ڕاگەیەندراوەکەدا ئاماژە بەوەشکراوە، وەزارەتی پەیوەندییەکان جەخت لەسەر ڕێزگرتن لە مافەکانی هاووڵاتیان دەکاتەوە لە ئازادی ڕادەربڕین و پەیوەندیکردن بەبێ ئەوەی زیان بە ئاسایشی وڵات و دامودەزگاکانی بگەیەنێت و متمانەی خۆی بە تێگەیشتنی هاووڵاتیان لەو کارە ڕادەگەیەنێت.

پێشتر سەرچاوەیەک لە وەزارەتی پەیوەندییەکانی عێراق ڕایگەیاندبوو، ئەوەی ڕوویدا بلۆککردنی بەشێوەیەکی کاتیی تێلێگرامە و هەمیشەیی نییە.

ئەم سەرچاوەیە هۆکاری ئەم بلۆککردنەی وەک ڕێکارێکی ئەمنی لەلایەن وەزارەتی پەیوەندییەکانەوە ڕاگەیاند و ڕایگەیاند بەم زووانە چالاکییەکانی تێلێگرام ئاسایی دەبێتەوە.

 





ئەم هەواڵە 310جار خوێندراوەتەوە
 
 
ڤیدیۆ گەلەری
گۆلچی هامبۆرگ گۆلێكی ده‌گمه‌ن له‌ خۆی ده‌كات
گۆڵێكی سه‌یر له‌لایه‌ن گۆڵچیه‌وه‌
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad