English | عربی | Kurdî دواهەواڵ
ڕاستەوخۆ  
 
پێشکێشکردن بۆ بوونە سەرباز لە سوپای عێراق دەستپێدەکات
2023-09-12 [10:39 AM]

ZNA- هەولێر


وەزارەتی بەرگریی عێراق، پێشکێشکردن بۆ بوون بە سەرباز لە ریزکانی سوپای عێراق دەکاتەوە و شەش مەرجی بۆ پێشکێشکاران هەیە. 

 

بەپێی راگەیێندراوی وەزارەتی بەرگریی عێراق، کاژێر یەکی بەیانیی رۆژی 15ـی ئەیلوولی 2023، فۆرمی ئەلیکترۆنی(volmod.ur.gov.iq) کارا دەبێت و تاوەکو کاژێر 12ـی شەوی پێنجشەممە 21ـی ئەیلوولی 2023 بە کارایی دەمێنێتەوە. 

 

مەرجەکانی پێشکێشکردن 

 

1- هەبوونی وڵاتینامەی عێراقی.

2- تەمەنی لە 18 ساڵ کەمتر و لە 25 ساڵ زیاتر نەبێت. 

3- خاوەن رەوشت و رابردووی باش بێت.

4- توانای جەستەیی و سەلامەتیی تەندروستی هەبێت.

5- لە رابردوودا سزا نەدرابێت بەهۆی ئەنجامدانی تاوان، تیرۆر، تاوانی پەیوەندار بە ئاسایشی دەوڵەت.

6- لانیکەم بڕوانامەی سەرەتایی و ناوەندیی هەبێت.

 

تێبینی:

 

1- پێشکێشکار مافی دەفەوتێت ئەگەر لە وادەی دیاریکراودا بەڵگەنامەی پێویست پێشکێش نەکات.

2- پێدانی زانیاری ناڕاست دەرفەتی وەرگرتنی پێشکێشکار ناهێڵێت.

3- دەبێت پێشکێشکار ژمارەی فۆرمە ئەلیکترۆنییەکە و کۆپییەکی لای خۆی هەڵبگرێت.

4- پێویستە کەسوکاری شەهیدان نووسراوی فەرمی دەزگای شەهیدان لەگەڵ خۆیان ببەن.

 

سەگڤان سندى، جێگرى سەرۆکى لیژنەى ئاسایش و بەرگریى پەرلەمانى عێراق بە تۆڕى میدیایی رووداوى راگەیاند، بەگوێرەى ئەو بڕیارە، 10 هەزار سەرباز وەردەگیرێن و کەمترین مووچەش 750 هەزار دینار دەبێت.

 

سەگڤان سندی گوتی، فۆڕمەکان جیادەکرێنەوە و چاوپێکەوتن لەگەڵ پێشکێشکاران دەکرێت؛ پاشان پشکنینى تەندروستییان بۆ دەکرێت و ئەوانەى وەردەگیرێن بۆ ماوەى سێ مانگ مەشقیان پێدەکرێت.

 

ئەوە یەکەم جارە لە ساڵى 2014ـەوە سوپاى عێراق دەرگەی دامەزراندن بۆ سەربازانى سوپا بکاتەوە و دامەزراندنى ئەو 10 هەزار سەربازەش لەنێو یاسای بودجەى عێراقى بۆ ساڵانى 2023، 2024، 2025 جێگیر کراوە.

 

جێگرى سەرۆکى لیژنەى ئاسایش و بەرگریى پەرلەمانى عێراق گوتی، هاونیشتمانییانى هەرێمى کوردستان دەتوانن داواکارى پێشکێش بکەن بۆ دامەزراندنیان وەک سەرباز لە ریزى سوپا، بەڵام ئەگەر هەیە ببرێنە پارێزگا هاوسنوورەکانى هەرێمى کوردستان لە نەینەوا و کەرکووک و سەلاحەدین و دیالە.

 

سوپاى عێراق بە هەموو پێکهاتەکانى وشکانى، ئاسمانى و دەریاییەوە لە 56 لیوا پێکدێت کە ژمارەى سەرباز و کارمەندانى مەدەنییان دەگاتە زیاتر لە 200 هەزار کەس.





ئەم هەواڵە 268جار خوێندراوەتەوە
 
 
ڤیدیۆ گەلەری
گۆلچی هامبۆرگ گۆلێكی ده‌گمه‌ن له‌ خۆی ده‌كات
گۆڵێكی سه‌یر له‌لایه‌ن گۆڵچیه‌وه‌
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad