English | عربی | Kurdî دواهەواڵ
ڕاستەوخۆ  
 
یۆنامی پەیامێکی هاوخەمی لەسەر رووداوەکەی حەمدانییە بڵاودەکاتەوە
2023-09-27 [10:09 AM]

​ZNA - هەولێر


نوێنەرایەتی نەتەوە یەکگرتووەکان لە عێراق، ئەمڕۆ چوارشەممە، هەستی شۆک و ئازاری خۆی دەربڕی لەسەر زیانە گەورەکەی ئاگرکەوتنەوەکەی قەزای حەمدانییەی سەر بە شاری موسڵ.

نوێنەرایەتی نەتەوە یەکگرتووەکان لە عێراق (یونامی) لە بەیاننامەیەکی سەرەخۆشیدا رایگەیاندووە، "بەهۆی لەدەستدانی گیان و بریندارە زۆرەکانی ئەو ئاگرەی کە لە حەمدانیە ڕوویدا، هەست بە شۆک و ئازار دەکەین، کارەساتێکی گەورەیە".

لە قەزای حەمدانییە لە کاتی ئاهەنگی هاوسەرگیریەکدا ئاگرێک کەوتەوە و بەهۆیەوە زیاتر لە 114 کەس گیانیان لەدەستدا و زیاتر لە 150 کەسی دیکەش برینداربوون، بەپێی ئەوەی بەڕێوەبەرایەتی تەندروستی نەینەوا ڕایگەیاندووە.

نووسینگەی راگەیاندنی پارێزگاری نەینەوا، لە راگەیەندراوێکدا رایگەیاند، نەجم جبوری بۆ ماوەی یەک هەفتە ماتەمینی راگەیاند و ئاهەنگە تایبەتەکانی بە بۆنەی یادی لە دایکبوونی پێغەمبەر محەمەد (د.خ) دوادەخرێت بەهۆی رووداوی ئاگرکەوتنەوەکەی قەزی حەمدانییە.

س/ دیجلە

 





ئەم هەواڵە 262جار خوێندراوەتەوە
 
 
ڤیدیۆ گەلەری
گۆلچی هامبۆرگ گۆلێكی ده‌گمه‌ن له‌ خۆی ده‌كات
گۆڵێكی سه‌یر له‌لایه‌ن گۆڵچیه‌وه‌
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad