English | عربی | Kurdî دواهەواڵ
ڕاستەوخۆ  
 
له‌ ئه‌نجامی زۆری قوربانیانی ئاگركه‌وتنه‌وه‌كه‌ی حه‌مدانیه‌، سێ رۆژ ماته‌مینی له‌ عێراق راگه‌یه‌نرا
2023-09-27 [10:24 AM]

ZNA - هه‌ولێر


 

به ‌فه‌رمانی محه‌مه‌د شیاع سوودانی، سه‌رۆكوه‌زیرانی عێراق به‌هۆی رووداوی ئاگركه‌وتنه‌وه‌ له‌ هۆڵێكی ئاهه‌نگگێڕان له‌ قه‌زای حه‌مدانییه‌ كه‌ ژماره‌یه‌كی زۆر قوربانی لێكه‌وته‌وه‌، بۆ ماوه‌ی سێ رۆژ ماته‌مینی گشتی له‌ سه‌رتاسه‌ری عێراق راگه‌یه‌ندرا.

هەر سەبارەت بەو رووداوە، نه‌جم جبووری، پارێزگاری نه‌ینه‌وا، بۆ ماوه‌ی هه‌فته‌یه‌ك ماته‌مینی له‌ پارێزگاکە راگه‌یاند و گشت ئاهه‌نگه‌كانی تایبه‌ت به‌ یادی مه‌ولودی پێغه‌مبه‌ری ئیسلام بۆ كاتێكی دیكه‌ دواخران.

شه‌وی رابردوو له‌ هۆڵێكی ئاهه‌نگگێڕانی هاوسه‌رگیری له‌ قه‌زای حه‌مدانییه‌، ئاگر ده‌كه‌وێته‌وه‌ و به‌هۆیه‌وه‌ زیاتر له‌ 100 كه‌س گیانیان له‌ده‌ستداوه‌و به‌سه‌دان كه‌سیش برینداربوون و له‌سه‌ر ئاستی عێراق و جیهانیش كاردانه‌وه‌ی لێكه‌وته‌وه‌.

دوای رووداوەکە، مەسرور بارزانی، سەرۆکوەزیرانی هەرێمی کوردستان تیمەکانی ئاگرکوژێنەوە و تەندروستی راسپارد، بەهانای لێقەوماوانە بچن و تا ئێستاش نزیکەی 50 برینداری ئەو رووداوە بۆ نەخۆشخانەکانی هەرێمی کوردستان گواستراونەتەوە.





ئەم هەواڵە 376جار خوێندراوەتەوە
 
 
ڤیدیۆ گەلەری
گۆلچی هامبۆرگ گۆلێكی ده‌گمه‌ن له‌ خۆی ده‌كات
گۆڵێكی سه‌یر له‌لایه‌ن گۆڵچیه‌وه‌
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad