2023-10-03 [05:40 AM]

وەزارەتی بازرگانی و پیشەسازی لە روونكردنەوەیەكدا رایدەگەێنێ، ئەو جووتیارەی كە گەنمی ڕادەستی سایلۆكانی سەر بەوەزارەتی بازرگانی و پیشەسازی كردووە ، ئەو بڕە پارەیەی بۆ هەر تەنێك گەنم دانراوە لەلایەن حكومەتی عێراقی پێیان دەدرێت.
دەقی روونكردنەوەكەی وەزارەتی بازرگانی و پیشەسازی ..
سەبارەت بەو بابەتەی لە ماڵپەڕی nrt بڵاو كراوەتەوە دەربارەی پارەی گەنمی جووتیاران ، بۆ ڕای گشتی ڕوونیدەكەینەوە، ئەو جووتیارەی كە گەنمی ڕادەستی سایلۆكانی سەر بەوەزارەتی بازرگانی و پیشەسازی كردووە ، ئەو بڕە پارەیەی بۆ هەر تەنێك گەنم دانراوە، لەلایەن حكومەتی عێراقی پێیان دەدرێت.
سەبارەت بەو جووتیارانەی گەنمیان رادەستی كۆمپانیاكانی كەرتی تایبەت كردووە، بەپێی ڕێكاری كەرتی تایبەت لێی وەرگیراوە ، ئەگەر گەنمەكەی بەپێی مواسەفاتی عێراقی بووبێت، ئەوا هەمان ئەو بڕەپارەیەی بۆ دانراوە كە لە سایلۆ حكومییەكان دەدرێت، ئەو جووتیارەشی گەنمەكەی بەپێی مواسەفاتی عێراقی نەبووبێت ،بڕێك كەمتری پێدراوە، لە هەمان كاتدا جووتیارەكە سەرپشك كراوە لەوەی گەنمەكە ڕادەست بكات، یان بیگێڕێتەوە و لەبازاڕ بیفرۆشێت. 
هەروەها ئەوپارەی لە كۆمپانیاكان بۆ ئەو گەنمە دراوە زۆرتر بووە لە نرخی بازاڕ.
ڕاگەیاندنی وەزارەتی بازرگانی و پیشەسازی