English | عربی | Kurdî دواهەواڵ
ڕاستەوخۆ  
 
وەزارەتی خوێندنی باڵا داشکاندن لە کرێی خوێندنی هەردوو سیستەمی ئێواران و پارالێل دەکات
2023-10-04 [09:28 AM]

ZNA- هەولێر


وەزارەتی خوێندنی باڵا و توێژینەوەی زانستی حکومەتی هەرێمی کوردستان داشکاندن لە کرێی خوێندن بۆ ئەو خانەوادانە دەکات کە دوو قوتابی یان زیاتریان لە هەردوو سیستەمی خوێندنی ئێواران و پارالێل دەخوێنن.

ئەمڕۆ چوارشەممە (4ـی تشرینی یەکەمی 2023)، وەزارەتی خوێندی باڵا و توێژینەوەی زانستی بە فەرمانی وەزاری ژمارە (19226) داشکاندن لە کرێی خوێندن بۆ ئەو خانەوادانە دەکات کە دوو قوتابی یان زیاتریان لە هەردوو سیستەمی خوێندنی ئێواران و پاراڵێل وەرگیراون، هەروەها لێخۆشبوون بۆ هەریەکەیان بە رێژەی 50% لە کرێی خوێندنەکەیان دەبێت.

هەروەها ئەم داشکاندنەی وەزارەتی خوێندنی باڵا پاش داشکاندنی 45%ـی کرێی خوێندن ئەژمار دەکرێت و ئەم بڕیارەش بۆ ساڵی خوێندنی (2023- 2024) جێبەجێ دەکرێت.

ئەمەش لە کاتێکدایە رۆژی (15ـی 10ـی 2019)، بەگوێرەی راگەیەندراوێکی وەزارەتی خوێندنی باڵا، بە لەبەرچاوگرتنى بارو گوزەرانى هاووڵاتییانى هەرێمى کوردستان و لەبەر رۆشنایى کارنامەو پلانى حکومەت و وەزارەتە، بۆ ساڵى خوێندنى 2019 - 2020 لە سەرجەم قۆناخەکانى خوێندن لە زانکۆ و پەیمانگە تایبەتەکان (ئەهلی) کرێى خوێندن بەڕێژەى (25%) کەمکرایەوە.

هەروەها، کرێی خوێندنی پارالێل بە رێژەی 45% کەمکرایەوە.





ئەم هەواڵە 406جار خوێندراوەتەوە
 
 
ڤیدیۆ گەلەری
گۆلچی هامبۆرگ گۆلێكی ده‌گمه‌ن له‌ خۆی ده‌كات
گۆڵێكی سه‌یر له‌لایه‌ن گۆڵچیه‌وه‌
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad