English | عربی | Kurdî دواهەواڵ
ڕاستەوخۆ  
 
عێراق... زياتر له‌ 250 بەربژێرى ئەنجوومەنى پارێزگاکان دوورخراونەتەوە، به‌شێكیان به‌ دۆسیه‌ی تاوانكاریه‌وه‌ بووه‌
2023-10-16 [12:09 PM]

ZNA - هه‌ولێر


­­

کۆمیسیۆنى باڵاى سەربەخۆى هەڵبژاردنەکانى عێراق، ئاشكرای كرد، 255  بەربژێرى هەڵبژاردنى ئەنجوومەنى پارێزگاکانى عێراق دوورخراونەتەوە، کە 197ـیان بەهۆى پەیوەندییان بە حیزبى بەعسەوە بووە، وتیشی، لەم هەفتەیەدا دۆسیەى بەربژێرانى هەڵبژاردنى ئەنجوومەنى پارێزگاکان یەکلایی دەکرێتەوە.

 عیماد جەمیل، سەرۆکى تیمى رۆژنامەڤانیى کۆمیسیۆنى باڵاى سەربەخۆى هەڵبژاردنەکانى عێراق راگەیاند، تاوەکو 15ـی تشرینى یەکەم 255 بەربژێرى هەڵبژاردنى ئەنجوومەنى پارێزگاکانى عێراق دوورخراونەتەوە.

 گوتیشى، "197 بەربژێر لەلایەن دەستەى لێپرسینەوە و دادوەرییەوە دوورخراونەتەوە، 56 کەسیشیان بەهۆى دۆسییەى تاوانکارى، یەک بەربژێر بەهۆى گەندەڵى و بەربژێرێکى دیکەش بەهۆى دۆسیەى تیرۆرەوە دوورخراونەتەوە."

 سەرۆکى تیمى رۆژنامەڤانیى کۆمیسیۆنى باڵاى سەربەخۆى هەڵبژاردنەکانى عێراق دەڵێت، لەم هەفتەیەدا دۆسیەى بەربژێرانى هەڵبژاردنى ئەنجوومەنى پارێزگاکان یەکلایی دەکرێتەوە.

 38 هاوپەیمانێتى و 28 پارت بەشدارى لەو هەڵبژاردنەدا دەکەن، 70 بەربژێرى سەربەخۆ و زیاتر لە شەش هەزار بەربژێرى دیکە لەنێو لیستى هاوپەیمانێتى و پارتەکاندا خۆیان بەربژێر کردووە.

 

رووداو





ئەم هەواڵە 631جار خوێندراوەتەوە
 
 
ڤیدیۆ گەلەری
گۆلچی هامبۆرگ گۆلێكی ده‌گمه‌ن له‌ خۆی ده‌كات
گۆڵێكی سه‌یر له‌لایه‌ن گۆڵچیه‌وه‌
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad