English | عربی | Kurdî دواهەواڵ
ڕاستەوخۆ  
 
زیادكردنی په‌نیر و شیر له‌ به‌شه‌ئازووقه‌ی مانگانه‌ی هاووڵاتییان له‌ ژێر په‌سه‌ند كردندایه‌
2023-11-11 [09:04 AM]

ZNA - هه‌ولێر


 

وه‌زاره‌تی بازرگانی عێراق دوێنێ هه‌ینی سه‌باره‌ت به‌ زیادكردنی په‌نیر و شیر له‌ به‌شه ‌ئازووقه‌ی مانگانه‌ی هاووڵاتییان ڕایگه‌یاند كه‌ ئه‌م بیرۆكه‌یه‌ هێشتا بڕیاری كۆتایی له‌سه‌ر نه‌دراوه‌ و له‌ژێر په‌سندكردندایه‌.

موسه‌نا جه‌بار گوته‌بێژی وه‌زاره‌تی بازرگانی عێراق ڕایگه‌یاند: بیرۆكه‌ی زیادكردنی په‌نیر و شیری گه‌وران له‌ به‌شه‌ئازووقه‌ی مانگانه‌ی هاووڵاتییان له‌ژێر په‌سندكردندایه‌. جه‌ختیشی كرده‌وه‌ كه‌ ئه‌گه‌ر بیرۆكه‌كه‌ په‌سند بكرێت په‌نیر و شیره‌كه‌ له‌ ده‌ره‌وه‌ی وڵاته‌وه‌ هاورده‌ ده‌كرێن.

ڕاشیگه‌یاند: ئێستا له‌ سه‌رتاسه‌ری عێراق 325 كارگه‌ی ئارد هه‌ن و ئه‌م كارگانه‌ ده‌توانن ساڵانه‌ دوو ملیۆن ته‌ن ئاردی سفر به‌رهه‌مبهێنن.

هه‌روه‌ها ڕایگه‌یاند: بۆ ئه‌مساڵ ئاردی ته‌واوی به‌شه‌ ئازووقه‌ی مانگانه‌ی هاووڵاتییان له‌ كۆگاكان هه‌یه‌، بۆ ساڵی داهاتووش وه‌زاره‌تی كشتوكاڵ پێشبینی كردووه‌ بۆ ئازووقه‌ی مانگانه‌ی هاووڵاتییان پێویستمان به‌ 5 ملیۆن ته‌ن ئارد هه‌یه‌.

گوته‌بێژی وه‌زاره‌تی بازرگانی جه‌ختیشی كرده‌وه‌ كه‌ ئێستا حكوومه‌تی عێراق له‌ چه‌ند كۆگایه‌ك ئازووقه‌ و گۆشت به‌ نرخی پاڵپشتیكراو به‌ كه‌متر 30% نرخی بازاڕ ده‌فرۆشێ.

 

 





ئەم هەواڵە 388جار خوێندراوەتەوە
 
 
ڤیدیۆ گەلەری
گۆلچی هامبۆرگ گۆلێكی ده‌گمه‌ن له‌ خۆی ده‌كات
گۆڵێكی سه‌یر له‌لایه‌ن گۆڵچیه‌وه‌
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad